Id-detenturi ta’ Tallinja Card personalizzata valida jistgħu jużaw il-kard tagħhom biex jivvjaġġaw b’xejn abbord il-laneċ ta’ Valletta Ferry Services. Valletta Ferry Services topera bejn il-Belt Valletta u t-Tliet Ibliet (Bormla), u bejn il-Belt Valletta u Tas-Sliema Ferries.
Aktar minn 400,000 detentur ta’ Tallinja Card personalizzata issa jistgħu jitilgħu fuq il-lanċa b’xejn u jgawdu minn numru ta’ benefiċċji. Dawn jinkludu ħin tal-imbarkazzjoni iqsar u l-konvenjenza li ma jkollokx għalfejn iġġorr flus kontanti għall-biljetti.
Ir-rotta 133, li topera fil-Belt Valletta, tgħaqqad iż-żewġ mollijiet tal-laneċ u b'hekk ittejjeb il-mobilità bejn il-mollijiet u ċ-ċentru tal-Belt Valletta.
It-tallinja ferry service topera tul ir-rotot elenkati hawn taħt:
- Sliema – Valletta – Sliema
- Cospicua – Valletta – Cospicua
Is-servizz huwa provdut matul il-ġurnata kif ukoll bil-lejl (ara l-iskeda tal-lanċa għad-dettalji).
Meta tivvjaġġa minn Cospicua lejn il-Belt Valletta fuq il-lanċa, jinħariġlek biljett għal-lift tal-Barrakka ta’ Fuq. Dan ser ikun b'xejn u joffri alternattiva aktar konvenjenti biex il-klijent jasal saċ-ċentru tal-Belt Valletta.
Nollijiet
Id-detenturi ta’ Tallinja Card personalizzata valida jistgħu jużaw il-Valletta Ferry Services b’xejn
Huwa importanti li wieħed jinnota li t-tfal li għandhom età bejn 4-10 snien (iż-żewġ etajiet inklużi) jistgħu jirreġistraw għat-tallinja card tat-Tfal filwaqt li l-parametri tal-età tal-Valletta Ferry Services għal din il-kategorija jvarjaw minn 5 sa 12-il sena.
Aktar informazzjoni dettaljata dwar it-tallinja ferry services tinsab fil-paġna tat-Termini u l-Kundizzjonijiet tagħna.