Malta Public Transport

Covid - 19

Update 02/05/2020

Il-gvern ħabbar li kull min jagħmel użu mit-trasport pubbliku għandu jilbes maskra. Din il-miżura tdħol fis-seħħ fl-4 ta’ Mejju 2020.

COVID-19 UPDATE ON PUBLIC TRANSPORT

Bħala parti mill-impenn tagħna biex nippromwovu servizz ta' trasport pubbliku b'saħħtu u sigur, Malta Public Transport implimentat bosta miżuri ta' prekawzjoni, wara konsultazzjoni u ftehim mal-awtoritajiet, fid-dawl tas-sitwazzjoni COVID-19 f'Malta.


It-trasport pubbliku huwa servizz essenzjali fil-komunità tagħna. Sewwieqa tal-linja, mekkaniks, elettriċisti, spetturi, u ħafna oħrajn qed jaħdmu ħafna biex jiżguraw li n-nies jistgħu jivvjaġġaw mingħajr periklu madwar Malta u Għawdex. Għalhekk, il-kooperazzjoni ta' kulħadd hija meħtieġa, u n-nies huma ġentilment mitluba li ma jivvjaġġawx jekk iħossuhom morda, u li jsegwu l-proċeduri tal-kwarantina kif indikat mill-awtoritajiet.


Il-miżuri implimentati minn Malta Public Transport skont il-pjan ta’ kontinġenza tagħha huma kif ġej:

1. B'effett immedjat, passiġġieri bil-wieqfa abbord karozzi tal-linja mhux se jkunu permessi. 2. Ix-xarabanks qed jitnaddfu kull lejl. It-tindif tal-karozzi tal-linja ġie intensifikat bl-użu ta' sustanzi kimiċi minflok deterġenti regolari. Barra minn hekk, il-kumpanija implimentat skeda addizzjonali tat-tindif tal-karozzi tal-linja matul il-ġurnata, speċjalment fiż-żona tal-kabina tas-sewwieq.

3. Il-kumpanija pprovdiet ‘hand sanitizers’ lill-impjegati kollha li għandhom kuntatt dirett mal-pubbliku, inklużi xufiera tal-karozzi tal-linja, u dawn ġew installati mal-ħajt fil-faċilitajiet kollha tagħha.

4. Is-sewwieqa tal-karozzi tal-linja ġew inkarigati biex jiftħu t-twieqi kollha ġewwa l-karozzi tal-linja, u biex jitfu s-sistemi ta' arja kundizzjonata, kif mitlub mill-awtoritajiet.

5. Mill-Ħamis 12 ta' Marzu, is-sewwieqa mhux ser jibqaw jagħtu bqija biex tillimita l-ammont ta' flus kontanti skambjati bejn il-passiġġieri u s-sewwieqa. Għalhekk, il-passiġġieri huma meħtieġa jipprovdu ħlas eżatt meta jixtru l-biljetti tagħhom.

6. Il-kumpanija ħadet il-prekawzjonijiet kollha meħtieġa li ġew imħabbra mill-Gvern. Dan jinkludi restrizzjonijiet fuq l-ivvjaġġar u l-kwarantina.


Malta Public Transport isostni li s-saħħa u s-sigurtà tal-impjegati tagħha u tal-passiġġieri tagħha huma prijorità ewlenija. Il-kumpanija se tkompli toħroġ aġġornamenti bil-miżuri li qed jiġu implimentati, skont il-livelli differenti stabbiliti fil-pjan kritiku li ġie kkoordinat mal-awtoritajiet.