Malta Public Transport

TD Plus

TD Plus Avviż

Wara r-rakkomandazzjonijiet tal-Gvern, qed nissospendius-servizz TD Plus tagħna b'effett immedjat. Jekk jogħġobkom, ibqgħu d-dar u ibqgħu sikuri. #ImStayingHome

TD Plus Icon

Qatt xtaqt li tista' tirriżerva s-‘seat’ fuq Tallinja? Issa tista' bis-servizz il-ġdid TD Plus tagħna!

X'inhu s-servizz TD Plus?

TD Plus huwa servizz ta’ trasport pubbliku operat minn Malta Public Transport. Tista' tibbukkja s-‘seat’ fuq waħda mill-karozzi tal-linja premium tagħna billi tuża l-APP ta' Tallinja billi tagħżel fejn u meta trid taqbad u tinsel minn Tallinja. Is-sistema mbagħad tiċċekkja l-aħjar rotta u turik id-dettalji tal-vjaġġ tiegħek. Dan ifisser li tista' tibbukkja vjaġġ bejn il-waqfiet tal-linja mingħajr ma tinkwieta dwar jekk hemmx spazju fuq Tallinja.

Kif taħdem?

Fuq it-TD Plus tintuża teknoloġija li tqabbel it-talbiet magħmula minn passiġġieri differenti biex tagħżel ir-rotta l-iktar effiċjenti. Toffri flessibilità akbar, aktar kumdità u iktar valur filwaqt li tiffranka l-ħin. Il-klijenti jistgħu jibbukjaw passiġġieri adizzjonali fuq vjaġġ wieħed, u jitolbu aċċess għal siġġijiet tar-roti jew pushchairs. Is-sistema tibgħat ukoll notifiki biex twissi lill-passiġġieri li x-xarabank tkun fi triqitha. Il-flotta TD Plus tinkludi sitt minibuses premium ġodda li ghandhom art baxxa u aċċessibbli bis-siġġu tar-roti. Wifi b'xejn huwa disponibbli u s-sedili huma mgħammra b'portijiet tal-iċċarġjar tal-USB għal iktar konvenjenza. Il-minibuses jistgħu jakkomodaw sa 16-il passiġġier.

Kif nista' nibbukkja vjaġġ fuq it-TD Plus?

Niżżel l-APP aġġornata ta' Tallinja u għafas fuq l-ikona TD Plus. Irreġistra għal dan is-servizz ġdid u ibbukkja l-ewwel vjaġġ tiegħek. Aħna ħerqanin li nilqgħuk abbord!

Meta topera s-servizz TD Plus?

Is-servizzi TD Plus joperaw kuljum bejn il-5.30 ta’ filgħodu u nofsillejl.

Kemm jiswa dan is-servizz?

Bħala offerta introduttiva speċjali, TD Plus huwa disponibbli bi € 2 għal kull vjaġġ għal dawk il-klijenti kollha li jibbukjaw permezz tal-App Tallinja. Il-klijenti jistgħu wkoll jibbukkjaw passiġġieri addizzjonali fuq il-vjaġġ tagħhom għal € 1 biss għal kull passiġġier. Il-klijenti jistgħu jagħżlu li jħallsu għall-vjaġġ tagħhom b’Tallinja Card tagħhom, jew billi jużaw il-karta ta 'kreditu tagħhom.

Fejn qiegħed jopera s-servizz TD Plus?

Bħalissa TD Plus qiegħed jopera bejn il-Belt Valletta u Pembroke, fosthom San Ġiljan, Swieqi, San Ġwann, Sliema, l-Imsida, Pieta u l-Furjana. TD Plus jopera biss fuq numru limitat ta’ waqfiet tal-linja biex tkun tista’ toffri lill-klijenti ħin ta’ vjaġġ iqsar.

Jekk jogħġbok ikklikkja hawn biex tara l-waqfiet tal-linja fuq mappa:

Td plus zones