09/10/2020
Malta Public Transport tħabbar bdil fl-iskeda tax-xitwa b’effett mill-Ħadd 11 ta’ Ottubru. Ir-rotot tat-trasport pubbliku ġew riveduti biex jakkomodaw il-bżonnijiet tal-passiġġiera, b’żieda ta’ 25 vjaġġ addizzjonali kuljum fuq ir-rotot fejn l-aktar li jkun hemm passiġġiera.
Ġiet introdotta wkoll rotta ġdida li sservi l-Kunċizzjoni fil-limiti tal-Baħrija u se tibda topera bħala Rotta 109A.
It-tibdil fl-iskeda hu kif ġej:
- Rotta 2 bejn il-Belt u l-Birgu se żżid vjaġġ aktar kmieni li jitlaq fil-05:25 mill-pjazza tal-Birgu fost il-ġimgħa
- Rotta 43 bejn il-Belt u n-Naxxar se żżid il-frekwenza għal kull 20 minuta matul peak hours fost il-ġimgħa
- Rotta 50 bejn il-Belt u r-Rabat se tibda topera kull siegħa matul peak hours filgħodu u filgħaxija fost il-ġimgħa
- Rotta 82 bejn il-Belt u Birżebbuġa se żżid vjaġġ aktar kmieni li jitlaq fil-05:25 mill-venda ta’ Birżebbuġa fost il-ġimgħa
- Rotta 90 bejn il-Belt u Ħaż-Żabbar se żżid vjaġġ aktar kmieni li jitlaq fil-05:25 mill-venda ta’ Ħaż-Żabbar fost il-ġimgħa
- Rotta 91 bejn il-Belt u Marsaskala se żżid vjaġġ aktar kmieni li jitlaq fil-05:25 mill-venda ta’ Marsaskala fost il-ġimgħa
- Rotta X4 bejn il-Belt u Birżebbuġa se żżid vjaġġi aktar kmieni mill-venda ta’ Birżebbuġa fil-05:15, 05:40 u 06:00 fost il-ġimgħa
- Rotta 222 bejn Tas-Sliema u ċ-Ċirkewwa se żżid vjaġġ aktar kmieni li jitlaq fil-05:25 miċ-Ċirkewwa fost il-ġimgħa
- Rotta X1A bejn Raħal Ġdid u ċ-Ċirkewwa se tibda topera żewġ vjaġġi fis-06:40 u fis-07:05 miċ-Ċirkewwa
- Rotta 4 bejn il-Belt u l-Birgu se tibda topera kull siegħa mit-08:00 ‘il quddiem fost il-ġimgħa
- Rotta 15 bejn il-Belt u Tas-Sliema se tibda topera kull siegħa il-ġurnata kollha fost il-ġimgħa
- Rotta 21 bejn il-Belt u Tas-Sliema se tibda topera kull nofs siegħa il-ġurnata kollha fost il-ġimgħa
- Rotta 35 bejn il-Belt u San Ġwann se tibda topera kull siegħa mid-09:00 ‘il quddiem fost il-ġimgħa
- Rotta 51 bejn il-Belt u l-Imtarfa se tibda topera kull nofs siegħa il-ġurnata kollha fost il-ġimgħa
- Rotta 62 bejn il-Belt u s-Siġġiewi se tibda topera kull nofs siegħa mit-08:00 ‘il quddiem fost il-ġimgħa
- Rotta 223 bejn Buġibba u Għajn Tuffieħa se tibda topera kull siegħa il-ġurnata kollha inkluż tmiem il-ġimgħa
- Rotta 310 bejn ir-Rabat u Marsalforn se topera kull 45 minuta il-ġurnata kollha inkluż tmiem il-ġimgħa
Il-vjaġġi estiżi lejn ix-xtut ta’ matul is-Sajf se jirritornaw għar-rotot regolari.
Aktar informazzjoni tinsab fuq publictransport.com.mt.
Back to service updates